কবিতা- কাণৰ থুৰীয়া
কবি- হিতেশ্বৰ বৰবৰুৱা
পাঠ- প্ৰৱাল গোস্বামী
পূৰ্বজনমত,জানো,কত পূণ্য বলে
থুৰীয়া জনম পালি তই জগতত।
শোওঁতে,খাওঁতে কিম্বা উঠোঁতে বহোঁতে
চুমা দিয় প্ৰেয়সীৰ কোমল গালত।
যি চুমাৰ হেঁপাহত আতুৰ প্ৰেমিক,
প্ৰেমৰ ৰাজ্যৰ যিটো অমূল্য ৰতন,
যাক লই সংসাৰৰ সকলো বলিয়া,
অনায়াসে তই কিন্তু পাৱ সেই ধন।
যি চুমাৰ মাথোঁ এটি পাবৰ আশাত
প্ৰেমিকে উৰ্ছগা কৰে পৰাণ নিজৰ,
সেই চুমা লাখ লাখ নিতে পাৱ তই;
নাজানো কি পুণ্য তোৰ আছিল পূৰ্বৰ।
নহ'ল আমাৰ কিয় থুৰীয়া জনম!
পালো হয় নিতে কত মধুৰ চুম্বন।
No comments:
Post a Comment