কবি মঃ চোলেইমান খাঁদেৱৰ কবিতা ''নোৱাৰো''

কবিতা- নোৱাৰো
কবি- মঃ চোলেইমান খাঁ
পাঠ- প্ৰৱাল গোস্বামী

নোৱাৰো কথাটি হেৰা বেয়া কথা বৰ, 

কদাপি নহয় সিটি কথা মানুহৰ, 

এলেহুৱা যিটো হয়, নোৱাৰো সিটোৱে কয়;

তেনেহ'লে তুমি কিয় নোৱাৰোঁ বুলিবা? 

এলেহুৱা হৈ কিয় জীৱন ধৰিবা?

ভাল নাম পাবলৈ যদি কৰা মন,

তেনেহ'লে নুবুলিবা নোৱাৰোঁ বচন।

দহজনে পাৰে যিটো,  তুমিও পাৰিবা সিটো ।

হেন জানি সাহ কৰি প্ৰাণ টাকি কৰা,

একেবাৰে নোৱাৰিলে এশবাৰে কৰা।