কবিতা- ব'হাগ
কবি- হীৰেন ভট্টাচাৰ্য
পাঠ- প্ৰৱাল গোস্বামী
মই খিৰিকীখন খুলি দিলো ।
স্তব্ধতাৰ নিৰ্জন পোহৰত আমি
আকৌ মুখামুখি হ'লোঃ শিৰৰ সেন্দুৰেৰে সুন্দৰ
আকাশৰ মুখত জিলিকি উঠিছে
সোনোৱালী ব'হাগ ।
মই যেন সমস্ত শৰীৰেৰে গ্ৰহন কৰিম
ক্ৰান্তি লগ্নৰ এই সূৰ্যৰ বুকুয়েদি বৈ অহা
তাৰুণ্যৰ বেগৱতী নৈৰ উত্তাপ ।
আৰু তাৰ কোবাল সোঁতত লাগি থকা
ৰ'দৰ কোমল স্বাদ !!
আহা ! কি সুন্দৰ এই ব'হাগ ,
কি যে মায়াবী তাৰ লাৱনি দুখনি হাত !!
No comments:
Post a Comment