কবিতা- ফুলকোৱঁৰ কবি- অতুল চন্দ্ৰ হাজৰিকা পাঠ- প্ৰৱাল গোস্বামী
সাজি পাৰি আহিল
আজি কোন ৰূপহীৰ বৰ ?
মালিনীৰ ঘৰত কদম তলত
তাৰেই পয়োভৰ !
পখিৰাজত আহিল কোৱঁৰ
সখীৰ বতৰা পাই ;
ওলাই আঁহা ৰূপকুৱঁৰি !
মাটিত মঙল চাই ।
সেউতী ফুলিল, মালতী ফুলিল
ফুলিল খৰিকাজাঁই—
গথা যে হল বৰণৰ মালা
ৰবৰ সকাম নাই !
শুৱনি তোমাৰ লৱণু তনুৰ
জেউতি চৰিব ভাল ;
ফুলকোৱঁৰে সাৱটি বুকুত
চুমাৰে ভৰাব গাল ৷
পুৱাৰ পৰাই কইনা হই
পিন্ধি আছা সাজ ;
মেলি দিয়া সখি, হিয়াৰ দুৱাৰ
আৰু কিহৰ লাজ !
দেখি ই ছবি ৰচিছে কবি
প্ৰেমৰ নতুন গান ;
কবিতা ফুলৰ এই মালাধাৰি
ফুলকোৱঁৰৰ দান ।
No comments:
Post a Comment